Lana aurkitzeko webguneak

Internet bidez lana bilatzea kalitatezko lana aurkitzeko modu bikaina izan daiteke. Bilaketa-estrategia on bat sortzea eskatzen du, eskaintza bakoitzerako egokitutako curriculum bat, eta batez ere dedikazio handia; lana bilatzea beste lan bat bezala hartu behar dugu. Ez da enplegu-webguneetan soilik jarri behar arreta; oro har, enpresen webguneetan horretarako atal bat izaten da, eta atal horretan aurrerapen nahikoarekin erakusten dituzte hutsik dauden lanpostuak.

 

Internet bidez lana bilatzeko webgune asko daude; hona hemen onenetariko batzuk:

 

 

  • LANBIDE Euskal Enplegu Zerbitzua. Atari honek hainbat atal ditu: lan-eskaintzen berri izateaz gain, diruz lagundutako prestakuntza ere aurki dezakezu, lan-merkatuan dituzun gaitasunak hobetzen laguntzeko. Lan-orientabideari buruzko atal bat ere badu, eta bertan lana bilatzeko lehen urratsak egin ahal izango dituzu.
  • SEPE Estatuko Enplegu Zerbitzu Publikoa (SEPE) Enplegu eta Gizarte Segurantza Ministerioari atxikitako erakunde autonomoa da. SEPEk, autonomia-erkidegoetako Enplegu Zerbitzu Publikoekin batera, Enplegu Sistema Nazionala osatzen du. Sistema honek 2003tik desagertutako Enpleguko Institutu Nazionalaren (INEM) funtzioak hartzen ditu bere gain. Estatuko egitura horretatik enplegurako neurriak eta ekintzak sustatzen, diseinatzen eta garatzen dira, betiere modu deszentralizatuan, lurralde-errealitate desberdinetara egokituta.

  • INFOJOBS Enplegurako web liderra da Espainian, eta lan-eskaintzen asteroko buletin osoa eskaintzen du. Atari ezagun eta erabilienak jakinarazi duenez, 2012an 389.188 pertsonak lana aurkitzea lortu zuten, eta horixe da Espainiako enplegu-eskaintzen orrialde liderra izateko bermerik onena.

  • MONSTER Mundu mailan ospe handiena duen liderretako bat. Monsterrek zure enplegu-bilaketan laguntzen dizu, eta aholkuak ematen dizkizu zure CV sortzeko eta zure lan ideala lortzeko elkarrizketa prestatzeko.

  • LINKEDIN Gehien erabiltzen den sare profesionala da eta mundu osoan 187 milioi kide baino gehiago ditu. Profesionalentzako eta enpresentzako sare sozial bat da, eta, batez ere, zure lankideekin harremanetan egoteko aukera ematen dizu, lehengo edo oraingo lankideekin. Eta argi dago zenbat eta konexio gehiago izan app honetan, orduan eta aukera gehiago izango dituzula norbaitek zugan erreparatzeko. Behin zure profil profesionala Linkedin-en sortuta, hautagai ideala bilatzeko tresna hau erabiltzen duten giza baliabideen arduradun ugariren jomugan egon ahalko zara. Era berean, enplegu-eskaintzak jasotzeaz gain, sare edo interes-taldeekin bat egin ahal duzu, edukiak beste profesional batzuekin partekatzeko, bai eta zure enpresa gogokoenei buruzko informazioa lortzeko ere. Sare profesionalik onena da, bertan zure CVa igo dezakezu, enplegatzaileen eguneratzeen berri izan eta zure lan-harremanak hobetu.
  • JOOBLE enplegu-eskaintzetan espezializatutako bilatzaile indartsua da Espainian. 300 enplegu-webgune inguru arakatzen ditu, hautagairik onenak antolatu eta iragazteko, eskatzailearen bilaketaren arabera.
  • STUDENTJOB Ikasleetan eta tituludun berrietan espezializatutako enplegu ataria. Bere helburua da gazteei beren beharretara egokitzen diren lan-eskaintzak hurbiltzea; ikasketetan lanaldi partzialeko lanak, praktikak, tituludun berrientzako lanak, oporraldietarako lanak eta abar. Helburua da plataforma bat eskaintzea, gazteen profilak bilatzen dituzten enplegu-eskaintzak erraz aurki daitezen, eta, horrela, lan-munduan egiten dituzten lehen urratsetan laguntzea.
  • OPCIONEMPLEO Enplegua bilatzeko motorra da Espainian. Bilaketa soil baten bidez, enplegu-eskatzaileari Interneteko hainbat iturritatik biltzen diren lan ugari eskuratzeko aukera ematen dio, orrialde bakoitza bereizita bisitatu behar izateak sortzen duen eragozpena aurreztuz.
  • BIZNEO Plataforma honetan zure curriculuma fitxategi erantsiekin igo dezakezu, erregistratutako hogei mila enpresa baino gehiagori eskaintzeko.
  • EXPERTEER Espezialistentzako, managerrentzako eta zuzendarientzako online enplegu-zerbitzua da. Europako 9 herrialdetan eta AEBetan daude.
  • TECNOEMPLEO Informatikarekin lotutako enplegu-eskaintzetarako eta enplegu-eskaeretarako ataria. Hautagai gisa erregistratu behar da, eta eskaintza hautatu ondoren, eskaera igortzen da, helbide elektronikoa, erabiltzaile-kodea eta gakoa sartuta (azken bi datuak hautagaiari ematen zaizkio erregistratzen denean).
  • INFOEMPLEO Web honek iragartzen duenez, mundu osoan milaka enplegu-eskaintza ditu erregistratuta, zonaka edo herrialdeka multzokatuta, esaterako, AEB eta Kanada, Iberoamerika, Europar Batasuna; eta Espainia, probintziaka. Lotutako zerbitzuak edo negozioak ditu, hala nola, “Avanza en tu Carrera ” ataria eta “Tweet and Jobs” delako networking ekitaldia. Lan-merkatuari buruzko azterlanak ere egiten ditu, beste enpresa batzuekin lankidetzan, hala nola, Adeccorekin.
  • PORTAL PARADOS Langabetuei lana aurkitzen lagundu nahi dien webgunea da, aholku, albiste, iritzi-artikulu eta abarrekin.
  • MERCADIS Direktorio bat dauka, erregistratuta dauden eta beren orrietatik enplegua eskaini duten enpresen eta erakundeen zerrenda biltzen duena.
  • TRABAJANDO.ES Jatorri ibero-amerikarreko enplegu-bilatzailerik onena da, Espainia osoko udal txikiekin akordioak sinatzen ari dena, berau izateko udaletako webguneek beren herritarrei hurbiltzen dieten bilaketa-ataria.